藝人楊千嬅近日與老公丁子高同仔仔Torres，一家三口趁新年假期去日本北海道旅行滑雪。丁子高喺社交網晒出全家福，三人都以滑雪look上陣，千嬅仲涷到個嘴都紅晒，不過一家人一齊過年都夠暖入心啦！
丁子高留言話唔識滑雪嘅兩母子經過今次旅行都開始鍾意滑雪：「丁太⋯Torres⋯也開始愛上了滑雪」
丁子高昨日在Instagram貼出一張和Chilam夫婦、蔡一智夫婦的合照，留言：「約都冇咁啱呀。」
原來楊千嬅和老公丁子高及囝囝Torres、張智霖(Chilam)和太太袁詠儀(靚靚)及兒子魔童、蔡一智和太太及女兒、內地影星孫儷和鄧超一家四口等，目前都身在北海道旅行滑雪，認真熱鬧。
而靚靚亦在微博留言，指在滑雪場巧遇孫儷一家四口，正如郭偉亮(Eric Kwok)所講，北海道變成了銅鑼灣：「真係香港撞唔到嘅朋友，可以喺滑雪地方撞到。」
昨日是Chilam和靚靚結婚18周年紀念，夫婦二人都分別在社交網分享在雪地的背面拖手相，靚靚留言：「今年週年紀念的慶祝活動真是好特別，但雪景真美。」而Chilam則留言：「今天是2月8號，也是我們的結婚週年，我們一起看兒子學滑雪，足已。」二人的分享獲不少網民留言祝福。
其實昨日是靚靚和Chilam結婚周年紀念日之外，亦是鄧超40歲生日，同時亦是二人結婚9周年。靚靚留言：「想不到在這裡會碰到另一對很喜歡的藝人夫婦，今天也是他們的結婚周年紀念，祝他們一家人永遠幸福，及祝鄧先生生日快樂！」
兩對夫婦都到北海道滑雪慶祝結婚紀念日，果真巧合。
(綜合報道/apple daily)
