【投資咗七位數】田蕊妮:本身冇諗過公開

    近日流感肆虐,早前連藝人田蕊妮都唔小心中咗招!不過估唔到佢呢次瞓身豁出去,大膽程度令人咋舌,佢話:「本來諗住搵我老公(杜汶澤),但佢唔得閒。」

    田蕊妮平時都做開運動,身型超Fit!

    估唔到今次會破格。。。

    再戰樂壇的「視后」田蕊妮為向「HiFi天后」進發,實行瞓身豁出去,全裸上陣拍攝《Saturnian》唱片封套,在身上用人體彩繪寫上「Anger、Jealousy、Passion、Relax」等字眼帶出新碟主題,大膽程度令人咋舌!

    但在拍攝人體彩繪前,攝影師見她身形完美,臨時提議她影更大膽的裸照,要她躲在黑布後露出胴體及騷靚腿,此外還屈膝橫抱身軀,用手腳遮敏感部位,超性感得嚟又極具藝術感。

    阿田在電話中表示:「呢輯黑白相本來係諗住影嚟玩吓,唔會公開,但效果好好,先加喺唱片度。(係咪因為影呢輯相而患流感?)唔係,因為喺去年九月影嘅,唱片籌備咗成年㗎啦。」人前一絲不掛可感尷尬?她說:「冇喎,因為係女攝影師,又係朋友,本來諗住搵我老公(杜汶澤)影呢輯封套相,但佢唔得閒。(再搵老公影多輯相?)唔會啦,暫時唔會諗亦都唔會影寫真之類,不過老公讚影相好靚。」

    她強調今次絕非為裸而裸,只是想帶出她40年來累積很多經歷、經驗、但某程度上穿了無形的盔甲自我保護,去年突然覺得要打破所有盔甲,呈現最真的自己。

    在新碟中她收錄了講40歲的《半段路》、送給媽媽的《最親》及講婚姻關係的《兩口子》,且在碟中親筆撰文寫感受,但她表示作曲、填詞難度太高,故會專心唱好歌,現最期望可以舉行音樂會。而阿田的星娛樂唱片公司執行董事朱先生表示:「阿田係我哋唱片公司一姐,張碟投資咗七位數,嚟梗會幫佢搞音樂會。」

    (綜合報道/on.cc)

    SHARE