藝人李克勤出晒名鍾意足球，近日佢跟埋晨㬢B隊去馬來西亞踢波，點知發生不愉快事件！
話說踢完場波，克勤上載IG STORY晒出自己個傷勢，見到膝頭位置甩咗皮…
佢指對方14號球員踢得「一點都不友誼」，之後佢仲影低嗰位人兄嘅樣擺埋上網，仲要冇打格仔，寫住：「就係呢條14號，我記得你。」
連出幾個Post，睇嚟真係好嬲！之後克勤喺ig晒番嗰日嘅相，有一張見到佢同14號起爭執，有人話：「廣東話粗口教學！」仲用粗口問候對方添！克勤都留言：「少不了。」
老婆盧淑儀都有嚟 
呢件事引起好大回響，有人覺得克勤身為公眾人物，唔應該咁樣「公審」人哋，亦有人撐克勤，話踢場友誼波，唔使去到咁盡！
(ig / on.cc)
