【擔心唔知幾時行到路】麥明詩被緊急送院!

    藝人麥明詩為慈善正進行單車長征,行程包括途經中國、越南、老撾、泰國和柬埔寨。

    到第九日上午時,她於廣西發生意外,在落斜時失重心撞向一車輛,左邊身落地,檢查之下發現擦傷左肩、手㬹位及盆骨位痛楚,麥明詩感到行動困難及盆骨隱隱作痛。

    為安全起見急送當地醫院求診,經醫生檢查及電腦掃描後,證實沒有骨折,只是拉傷肌肉,醫生建議要停止運動養傷七日,Louisa聽從醫生吩咐暫定單車行程,不隨隊踩車,視乎傷勢進展再決定何時與車隊匯合。

    無綫派出攝製隨隊拍攝,影片所見的她受傷後,狀甚痛苦,要由隊友扶住,並坐輪椅到醫院接受檢查。

    她表示:「我落斜時失重心,左邊身落地,擦傷膊頭、盆骨同手㬹,但最痛係盆骨位,我郁隻腳個盆骨都好痛,唔知係傷到肌肉定係傷到骨,所以要檢查吓,擔心唔知幾時行到路,麻煩隊友要暫時做我人肉拐杖!」

    麥明詩接受東網訪問,表示雖然醫生要她休息7日。

    「但我哋日日都要搬酒店,所以我都會跟埋crew車同隊友一齊出發,即使我踩唔到,都希望喺沿途為佢哋打氣。而自己為求穩陣,都已經照晒盆骨同手嘅CT(電腦掃描),好彩都冇骨折。」

    加油呀Louisa!

     

     

     

     

    (facebook / 綜合報道 / on.cc)

    SHARE